कोइराला निवासमा देउवा र शशांक
काठमाडौँ, २२ मंसिर । विराटगर रहनुभएका कांग्रेस सभापति शेरबहादुर देउवा डा.शेखर कोइराला बस्दै आउनुभएको कोइराला निवास पुग्नुभएको छ । उहाँ नेता डा.शशांकको साथमा कोइराला निवास पुग्नुभएको हो ।
प्रथम कोशी सम्मेलनमा भाग लिन विराटनगर पुग्नुभएका देउवा कोइराला निवास पुग्नुभएको होे । स्वर्गीय कृष्णप्रसाद कोइरालाले डेढसय वर्ष पहिले बनाएको घरमा पुगेका देउवाले भित्तामा राखिएका तस्बिरहरु चाखपूर्वक हेर्नुभएको थियो ।
डा.शेखर र उहाँका दाजु निरञ्जनको संयुक्त भागमा परेको उक्त घरमा डा.शशांक विरलै मात्र पुग्ने गर्छन् । पूर्वप्रधानमन्त्रीहरू मातृकाप्रसाद कोइराला, विश्वेश्वरप्रसाद कोइराला र गिरिजाप्रसाद कोइरालाका पिताजी कृष्णप्रसादको उक्त ऐतिहासिक घरमा लामो समयपछि देउवा पुग्नुभएको हो ।
बिपी कोइरालाको सान्निध्यमा रहेर राजनीति अघि बढाउने मौका पाएका देउवा २०४६ को राजनीतिक परिवर्तनपछि गिरिजाप्रसाद कोइरालासमेतको साथले राष्ट्रिय राजनीतिमा स्थान सुरक्षित गर्नुभएका उहाँ ०३६ को जनमत संग्रहमा पूर्व–पश्चिमसम्मका सभा–समारोहमा बिपीसँगै खटिनुभएको थियो । तर, पछि उहाँले गिरिजाप्रसादलाई नै चुनौती दिँदै पार्टीमा अलग धार स्थापित गर्नुभएको थियो ।