एमालेद्वारा मधेस सरकारलाई दिएको समर्थन फिर्ता
काठमाडौँ, २ जेठ । नेकपा (एमाले) मधेस प्रदेश सरकारलाई दिएको समर्थन फिर्ता लिएको छ ।
सरकारबाट बाहिरिएको लामो समयपछि एमालेले समर्थन पनि फिर्ता लिएको हो । एमालेले गत चैत २ गते नै सरकारबाट बाहिरिए पनि सरकारलाई भने समर्थन कायमै राखेको थियो ।
सरकारलाई दिएको समर्थन फिर्ता लिएको एमाले मधेस प्रदेश संसदीय दलका नेता सरोजकुमार यादवले बताए ।
एमालेले सरकारलाई दिएको समर्थन फिर्ता लिएपछि अब मुख्यमन्त्री सरोजकुमार यादवले विश्वासको मत लिनुपर्ने छ । तथापि, नेपाली कांग्रेस, नेकपा (माओवादी केन्द्र), नेकपा (एकीकृत समाजवादी)लगायत दलको समर्थन पाइरहेका मुख्यमन्त्री यादवसँग बहुमत छ ।