५७ हजार नगदसहित १५ जना जुवाडे पक्राउ
बर्दिया, १९ भदौ । मधुवन नगरपालिका–४ माचड चोक बस्ने सोमई थारूको घरमा जुवातास खेलिरहेको अवस्थामा सोही ठाउँ बस्ने ३४ वर्षीय जगत चौधरीसहित १५ जनालाई शनिबार दिउँसो प्रहरीले पक्राउ गरेको छ ।
इलाका प्रहरी कार्यालय ढोढरीबाट खटिएको प्रहरीले उनीहरूलाई नगद ५७ हजार २ सय ९० रूपैयाँ र ५ बुक ताससहित फेला पारी पक्राउ गरेको हो ।
पक्राउ परेका उनीहरू उपर थप अनुसन्धान भइरहेको प्रहरीले जनाएको छ ।