धरहरा भत्किँदा बाँचेकी रमिला श्रेष्ठलाई सम्मान
काठमाडौं । २०७२ वैशाख १२ गते भूकम्पले धरहरा भत्किँदा बाँच्न सफल भएकी रमिला श्रेष्ठलाई प्रधानमन्त्री केपी शर्मा ओलीले सम्मान गरेका छन् ।
शनिबार पुनःनिर्मित धरहराको उद्घाटन कार्यक्रममा बल्खु काठमाडौंकी श्रेष्ठलाई सम्मान गरिएको हो ।
धरहरामा चढेर काठमाडौं उपत्यका अवलोकन गर्ने क्रममा भूकम्प जाँदा उनी घाइते भएकी थिइन् ।
गोरखाको बारपाक केन्द्रबिन्दु भएर गएको भूकम्पले धरहरा पूर्णरुपमा क्षति पुगेको थियो । सो भूकम्पबाट धरहरामा मात्रै ६० जनाको ज्यान गएको थियो ।