सुनको मूल्य ३ लाख नाघ्यो

काठमाडौँ, २ वैशाख । स्थानीय बजारमा आज सुनचाँदीकोे मूल्य वृद्धि भएको छ । सुन प्रतितोला छ हजार रूपैयाँ र चाँदी ३२० रूपैयाँले बढेको हो ।

नेपाल सुनचाँदी व्यवसायी महासङ्घका अनुसार आज छापावाल सुनको मोल प्रतितोला तीन लाख दुई हजार ७०० रूपैयाँ र त्यति नै परिमाणको सेतो धातुको मूल्य पाँच हजार २२० रूपैयाँ कायम भएको छ ।

गत सोमबार एक तोला सुन दुई लाख ९६ हजार ७०० रूपैयाँ र त्यति नै परिमाणको चाँदी चार हजार ९०० रूपैयाँमा कारोबार भएको थियो । गत आइतबार दुई लाख ९७ हजार १०० रूपैयाँ र त्यति नै परिमाणको सेतो धातुको मूल्य चार हजार ९७५ रूपैयाँ कायम भएको थियो ।

अन्तर्राष्ट्रिय सञ्चारमाध्यमहरूका अनुसार आज अन्तर्राष्ट्रिय बजारमा एक औँस सुन चार हजार ८२८ र त्यति नै परिमाणको चाँदी ८० अमेरिकी डलरमा कारोबार भइरहेको छ ।