८४ को चुनावअघि नै पार्टीमा नयाँ नेतृत्व आउँछ : महामन्त्री शर्मा

इटहरी, १३ फागुन । राष्ट्रिय लोकतान्त्रिक अपाङ्ग संघको कोशी प्रदेशको प्रथम अधिवेशन उद्घाटनका लागि मंगलबार इटहरी आउनुभएका नेपाली कांग्रेसका महामन्त्री विश्वप्रकाश शर्माले २०८४ को चुनावअघि नै पार्टीको अधिवेशन सम्पन्न हुने बताउनुभएको छ ।

कांग्रेसमा ८४ को चुनावपछि मात्र महाधिवेशन गर्नुपर्ने आवाज उठिरहेको सन्दर्भमा महामन्त्री शर्माले ८४ को निर्वाचनमा वडादेखि केन्द्रसम्म नयाँ नेतृत्वका साथ पार्टी चुनावमा होमिने शर्माले बताउनुभयो ।

‘नेपाली कांग्रेसको महाधिवेशन ८४ पछि गए हुन्थ्यो भन्ने निर्दोष भावना हो । त्यो भावनाको म मात्रै रेस्पेक्ट गर्छु,’ उहाँले अगाडि भन्नुभयो, ‘जिल्लाका साथीहरु विधानले तोकेको नियमावलीभित्र रहेर टुङ्ग्याउनुस् र हामीले भनेका पनि छौँ नेपाली कांग्रेसको क्षेत्रीय प्रतिनिधि बन्नु छ तर क्रियाशील चै नबन्ने अनि महाधिवेशनको मिति तोकेपछि फटाफट गर्नुपर्ने ढोका बन्द भए पछाडि हुँदैन । निर्धारित समयभित्र क्रियाशील सदस्यता नवीकरणको कामलाई व्यवस्थित गरौँ । त्यसपछि महाधिवेशनको ढोका खुल्छ । पार्टीका सबै साथीहरु तयार भए हुन्छ । आगामी ८४ को निवार्चनमा नेपाली कांग्रेस पार्टी प्रतिस्पर्धामा जानुभन्दा अगाडि केन्द्रदेखि लिएर वडा वडासम्म प्रतिस्पर्धा गरी सर्वसम्मतको प्रक्रियाबाट नया नेतृत्व आएर नेपाली कांग्रेस आगामी ८४ को निवार्चनमा जान्छ ।’