सुनचाँदीको मूल्यमा वृद्धि
काठमाडौँ, ८ असार । स्थानीय बजारमा आज सुन र चाँदी दुवै बहुमूल्य धातुको मूल्यवृद्धि भएको छ ।
नेपाल सुनचाँदी व्यवसायी महासङ्घका अनुसार सुन प्रतितोला एक हजार ४०० रूपैयाँले वृद्धि भएको छ । यस्तै, चाँदी ४० रूपैयाँले बढेको छ ।
आजका लागि सुनको मूल्य प्रतितोला दुई लाख ८८ हजार सातसय रूपैयाँ र चाँदी चार हजार ७३० रूपैयाँ निर्धारण भएको छ ।
आइतबार एकतोला सुनको मूल्य दुई लाख ८७ हजार ३०० रूपैयाँमा कारोबार भएको थियो । एकतोला चाँदीको मूल्य चार हजार ६९० रूपैयाँमा कारोबार भएको थियो ।
शुक्रबार एकतोला सुन दुई लाख ८६ हजार ७०० रूपैयाँ र त्यति नै परिमाणको चाँदी चार हजार ६४० रूपैयाँमा खरिद बिक्री भएको थियो ।
अन्तर्राष्ट्रिय बजारमा सुन प्रतिऔँस चार हजार १८८ अमेरिकी डलरमा खरिद बिक्री भइरहेको छ ।