नक्कली शरणार्थी प्रकरण : अभियुक्ततर्फका कानुन व्यवसायीले आजदेखि बहस गर्ने

काठमाडौँ, २४ जेठ । नक्कली भुटानी शरणार्थी प्रकरणमा अभियुक्ततर्फका कानुन व्यवसायीले आजदेखि बहस गर्ने भएका छन् । सरकारी वकिल र जाहेरवालाको तर्फबाट मंगलबार बहस सकिएपछि आजदेखि अभियुक्तका वकिलहरूले बहस गर्ने भएका हुन् ।

यस मुद्दामा गत आइतबारदेखि काठमाडौँ जिल्ला अदालतका न्यायाधीश प्रेमप्रसाद न्यौपानेको इजलासमा थुनछेक बहस भइरहेको छ । बहसका लागि पूर्वमहान्यायाधिवक्तादेखि नेपाल बार एसोसिएसनका अध्यक्षसमेतले नाम टिपाएका छन् ।

अभियुक्तहरूको बयान लिइएको क्रमका आधारमा बहस हुने भएको छ । आजदेखि सुरू हुने बहसमा सबैभन्दा पहिला केशव दुलालका कानुन व्यवसायीले बहस गर्ने छन् ।

न्यायाधीश न्यौपानेले बहसका लागि आगामी मंगलबारसम्मको समय तोकेका छन् । त्यसपछि सरकारी वकिलको तर्फबाट जबाफी बहस हुने छ । बहस सकिएपछि अदालतले थुनछेक आदेश दिने छ । अदालतले थुनामा राखेर मुद्दा चलाउने वा धरौटीमा छाड्ने भन्ने आदेश दिने छ ।

नक्कली भुटानी शरणार्थी प्रकरणमा संलग्न रहेको आरोपमा पक्राउ परेका पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाणसहित १८ जनालाई थुनछेक बहसका लागि उपस्थित गराइएको छ ।

जिल्ला सरकारी वकिलको कार्यालय काठमाडौँले पक्राउ परेका १८ जनासहित फरार रहेका ३० जनालाई संगठित अपराध, कीर्ते, ठगी तथा राज्यविरूद्धको आरोप गरी ४ वटा मुद्दा लगाउँदै २७ करोड ५० लाख बिगो माग दाबीसहित जिल्ला अदालत काठमाडौँमा यही जेठ १० गते मुद्दा दायर गरेको थियो ।

सम्बधित समाचार

• यस्तो छ टेकनाथ रिजालले अदालतमा दिएको बयान
• रामशरण केसीको बयान– घर बन्धकी राखेर साढे २ करोड प्रतीक थापालाई दिएँ
• सचिव पाण्डेले कार्यदलको प्रतिवेदन नै ‘कीर्ते’ गरेको निष्कर्ष
• ‘इन्द्रजित राईले रकम असुल्दै जग्गा किन्थे’
• यी हुन् नक्कली भुटानी शरणार्थी प्रकरणका जाहेरीकर्ता [सूचीसहित]
• कांग्रेसका पूर्वसांसद शेर्पाको बयान : केशव र सानुलाई हिरासतमा भेटेर पीडितहरूको रकम फिर्ता गर्दिनु भनेँ
• सरकारी वकिलको दाबी : टोपबहादुर पनि प्रमुख योजनाकार
• सचिव पाण्डे र बिचौलिया दुलालबीच ह्वाट्सएप संवाद : प्रहरीका सरूवा–बढुवादेखि सुन तस्करीसम्म
• नक्कली भुटानी शरणार्थी प्रकरणमा प्रहरी बुझायो अनुसन्धान प्रतिवेदन
• नक्कली शरणार्थी प्रकरण : अभियोगपत्र दायर भइसकेपछि ‘थप संलग्न’माथि मुद्दा लाग्छ कि लाग्दैन ?
• नक्कली शरणार्थी प्रकरण : आरोपितमाथि के–के मुद्दा लाग्न सक्छ ?
• नक्कली शरणार्थी प्रकरण : पूर्वगृहमन्त्री खाणको बयान आज पनि
• नक्कली शरणार्थी प्रकरण : रायमाझीको बयान सकियो
• नक्कली शरणार्थी प्रकरण : खाणले स्वीकारे गिरोहसँगको भेट
• नक्कली शरणार्थी प्रकरण : बालकृष्ण खाणले पनि गरेका थिए मोबाइल फर्म्याट
• मञ्जु मोबाइल बन्द गरेर गायब, हिरासतमा थुनिएका बालकृष्णलाई भेट्न आइनन्
• भुटानी शरणार्थी प्रकरणमा कहिले के भयो ?
• नक्कली शरणार्थी प्रकरण : १०६ जनाले दिए २३ करोड ठगिएको उजुरी