कोसी प्रदेशमा आज सार्वजनिक बिदा
काठमाडौँ, १८ फागुन । प्रदेश नम्बर १ को नाम कोसी पारित भएको अवसरमा प्रदेश सरकारले आज प्रदेशभर सार्वजनिक बिदा दिने घोषणा गरेको छ ।
बुधबार बसेको प्रदेश १ को मन्त्रिपरिषद् बैठकले प्रदेशको नाम कोसी नामाकरण भएको उपलक्ष्यमा सार्वजनिक बिदा दिने निर्णय गरेको हो ।
आन्तरिक मामिला तथा कानुन मन्त्रालयले जारी गरेको सूचनामा प्रदेशभित्रका सबै सरकारी कार्यालय, सार्वजनिक संस्थान, प्रतिष्ठान र शैक्षिक संस्थाहरूमा बिदा दिने उल्लेख छ ।
