नेपाल नेदरल्याण्ड्ससँग पराजित
काठमाडौँ, १७ माघ । त्रिकोणात्मक महिला टी-२० सिरिजको पहिलो खेलमा नेपाल नेदरल्याण्ड्ससँग पराजित भएको छ ।
बिहीबार भएको खेलमा नेदरल्याण्ड्सले नेपाललाई २० रनले पराजित गरेको हो । नेदरल्याण्ड्सले नेपाललाई १५८ रनको लक्ष्य दिएको थियो भने नेपालले निर्धारित २० ओभरमा ७ विकेट गुमाएर १३७ रन मात्र बनाउन सक्यो ।
सिरिजमा नेपाल र नेदरल्याण्ड्सका साथै थाइल्याण्डको सहभागिता छ । महिला टि ट्वान्टी आई वरीयतामा नेपाल २०औँ, थाइल्याण्ड १३औँ र नेदरल्याण्ड्स १६औँ स्थानमा छ ।
सिरिजमा सहभागी टोलीले एकअर्कासँग समान ३ पटक खेल्ने छन् । अंक तालिकाको शीर्ष स्थानमा रहने टोली विजेता बन्ने छ ।
नेदरल्याण्ड्सले दोस्रो खेलमा शुक्रबार थाइल्याण्डसँग खेल्ने छ । नेपालले दोस्रो खेलमा शनिबार थाइल्याण्डसँग खेल्ने छ ।