सिटी च्याम्पियन्स लिगको प्ले अफमा
काठमाडौँ, १७ मघ । म्यानचेस्टर सिटीले च्याम्पियन्स लिगको ‘प्लेअफ’ मा पुगेको छ । बेल्जियमको क्लबबर्गलाई बुधबार ३–१ को पुनरागमन जित निकाल्दै सिटीले ‘प्लेअफ’ मा स्थान पक्का गरेको हो ।
सिटी अन्तिम खेलअघि अंक तालिकाको २५औँ स्थानमा थियो । सिटी पहिलो हाफमा १–० ले पछि परेको थियो । दोस्रो हाफमा सिटी नतिजा उल्टाउन सफल भएको थियो ।
पहिलो हाफको अन्तिम मिनेटमा राफेल न्वाडिकीको गोलमा क्लब बर्गले खेलमा अग्रता बनाएको थियो ।
दोस्रो हाफको सुरुवातमा बराबरी गोल गर्दैै सिटी खेलमा फर्केको थियो । ५३औँ मिनेटमा माटेओ कोभासिसले बाराबरी गोल गरेका थिए ।
६२औँ मिनेटमा साभिन्होको क्रसलाई जोगाउने ओर्डोनेजको प्रयासमा आत्मघाती गोल भएपछि सिटीले अग्रता लिएको थियो । साभिन्होले ७७औँ मिनेटमा गोल गरेपछि सिटी विजयी भएको थियो ।
८ खेलमा ३ जितसहित ११ अंक बनाएर २२औँ स्थानमा रहँदै सिटी प्ले अफमा पुगेको हो ।