आजदेखि त्रिकोणात्मक टी–२० सिरिज : पहिलो खेलमा नेपाल र नेदरल्यान्ड्स भिड्दै
काठमाडौँ, १७ माघ । बिहीबारदेखि त्रिकोणात्मक टी–२० श्रृङ्खला सुरु हुँदै छ । नेपाल, नेदरल्यान्ड्स र थाइल्यान्डको त्रिकोणात्मक टी–२० श्रृङ्खला सुरु हुँदै छ ।
बिहीबारदेखि सुरु भइ माघ २५ गतेसम्म सञ्चालन हुने श्रृखलाका खेल कीर्तिपुरस्थित त्रिवि क्रिकेट मैदानमा हुनेछन् । पहिलो खेलमा आज नेपाल र नेदरल्याण्ड्सले प्रतिस्पर्धा गर्दैछन् । खेल १२ः१५ बजेदेखि सुरू हुने छ ।
नेपाली टोलीमा कप्तान इन्दु बर्मासहित रुविना क्षेत्री, सीता राना मगर, पूजा महतो, बिन्दु रावल, रेवती धामी, कविता कुँवर, सम्झना खड्का, ममता चौधरी, राजमती ऐरी, कविता जोशी, एलिसाकुमारी यादव, रोमा थापा, मनिषा उपाध्याय र ईश्वरी विष्ट छन् ।
नेपाल क्रिकेट संघ (क्यान)ले टी–२० सिरिजको ट्रफी बुधबार सार्वजनिक गरेको थियो ।