‘सुशासनका लागि भ्रष्टाचार अन्त्य गर्छौँ’
काठमाडौँ, ३० साउन । प्रधानमन्त्री केपी शर्मा ओलीले लोकतन्त्रको रक्षा गर्दै मुलुकमा सुशासन कायम गर्न आफू नेतृत्वको सरकार नचुक्ने दाबी गर्नुभएको छ ।
आज प्रतिनिधि सभाको बैठकमा बोल्दै उहाँले सरकार लोकतान्त्रिक प्रणालीका लागि भ्रष्टाचार नियन्त्रण र अन्त्य गर्ने दिशामा अघि बढ्ने बताउनुभयो ।
उहाँले भन्नुभयो, ‘देश र जनातालाई सर्वपरी राखेर देश र जनताको हितहरुप्रति सर्मपित भएर लोकतन्त्रका मूल्य मान्यताहरुलाई जीवन पद्धतिको रुपमा अबलम्वन गरेर सुशासनका निम्ति भ्रष्टाचार नियन्त्रण र अन्त्य गर्ने दिशामा हामी जानेछौँ ।’
साथै उहाँले लोकतन्त्रलाई जीवन पद्धतिको रुपमा अबलम्वन गर्न कसैको फरक मत नरहने उल्लेख गर्नुभयो । उहाँले लोकतन्त्रका विरुद्धमा केही प्रवृतिहरु देखा पर्न गएको समेत बताउनुभयो ।