मन्त्री महतोलाई कोरोना भाइरस संक्रमण
काठमाडौं । महिला बालबालिका तथा जेष्ठ नागरिकमन्त्री जुली महतोलाई कोरोना भएको छ ।
मन्त्री महतोले ट्विटरमार्फत् आफूलाई कोरोना भएको उल्लेख गरेकी छन् ।
“मेरो पनि कोरोना भाइरसको रिर्पोट पोजेटिभ देखाएको छ । चिकित्सकको निगरानीमा छु,आत्मविश्वास र मनोबल उच्च छ । छिट्टै नै पूर्ण स्वास्थ्य भएर आफ्नो नियमित कार्यमा फर्कनेछु, मन्त्री महतोले भनिन्,“दश औला जोडेर सबैलाई विनम्र आग्रह छ : सजग बनौं ।”
महतोसँगै संघीय सरकारका चार जना मन्त्रीलाई कोरोना भएको छ । पर्यटन तथा नागरिक उड्ययनमन्त्री भानुभक्त ढकाल, ऊर्जा जलस्रोत तथा सिंचाइमन्त्री टोपबहादुर रायमाझी, खानेपानीमन्त्री मणी थापालाई यस अघि नै कोरोना भएर आराम गरिरहेका छन् ।
मेरो पनि कोरोना भाइरसको रिपोर्ट पोजेटिभ देखाएको छ। चिकित्सकको निगरानीमा छु, आत्मविश्वास र मनोबल उच्च छ। छिट्टै नै पुर्ण स्वस्थ भएर आफ्नो नियमित कार्यमा फर्किनेछु।
दशौं औला जोडेर सबैलाई विनम्र आग्रह छ – सजग बनौं ! 🙏— जुली महतो (@julimahto) May 5, 2021