हर्क साम्पाङले भने- ‘प्रधानमन्त्रीले मसँग फेस गर्न सकेनन्’
काठमाडौँ, ८ माघ । धरान उपमहानगरपालिकाका मेयर हर्क साम्पाङले प्रधानमन्त्री केपी शर्मा ओलीले आफूसँग ‘फेस गर्न नसकेको’ प्रतिक्रिया दिनुभएको छ ।
मंगलबार दिउँसो प्रधानमन्त्रीलाई भेट्न सिंहदरबार पुग्नुभएका उहाँले प्रधानमन्त्रीसँग भेट्न नपाएपछि साम्पाङले सामाजिक सञ्जालमा आफ्नो प्रतिक्रिया सार्वजनिक गर्नुभएको हो ।
उहाँले सामाजिक सञ्जालमा लेख्नुभएको छ, ‘केपी ओलीले फेस गर्न सकेनन्, मलाई ।’
खानेपानीको समस्या सुनाउन भन्दै उहाँ सोमबार रित्तो गाग्रो बोकेर काठमाडौँ उत्रिनुभएको थियो । मंगलबार सिंहदरबारमा उहाँ रित्तो गाग्रोसहित पुग्नुभएको थियो । प्रहरीले गाग्रो खोसेको थियो ।