बनेका सबै सरकार बलिया नै हुन्छन् : महामन्त्री थापा
काठमाडौँ, २६ पुस । नेपाली कांग्रेसका महामन्त्री गगन थापाले कुनै पनि सरकार बलियो हुने बताउनुभएको छ ।
फुटवेयर म्यान्रुफ्याक्वरर्स एशोसिएसन अफ नेपालको २३औँ वार्षिक साधारण सभा तथा स्थापना दिवसको अवसरमा बोल्नुहुँदै उहाँले प्रतिनिधिसभामा बहुमत नभइ सरकार बन्दैन त्यसैले हरेक बनेका सरकारहरु बलिया हुने गरेको बताउनुभयो ।
उहाँले भन्नुभयो, ‘दुईवटा पार्टी नेपाली कांग्रेस र एमाले मिलेर सरकार बनेको छ । हामी कहिलेकाहीँ कुनै सरकार बलियो भन्छौँ भने कुनै सरकारलाई कमजोर सरकार भन्छौँ । तर, मलाई चाहिँ प्रत्येक सरकार बलियो लाग्छ । किनभने प्रतिनिधिसभामा बीना बहुमत सरकार बन्दैन । नेपाली कांग्रेस र एमाले मिलेर बनेको सरकार बलियो यो कारणले हो भनेर चाहिँ प्रमाणित गर्नुपर्छ ।’
साथै उहाँले नागरीकले प्राप्त गर्ने लाभले मात्र यो सरकार बलियो हुने बताउनुभयो । उहाँले नागरिक खुसी भए मात्र सरकार बलियो हुँदै जाने र प्रमाणित समेत हुने बताउनुभयो ।