एयर डाइनेस्टीको हेलिकोप्टर दुर्घटना, ५ जनाको मृत्यु
काठमाडौँ, २३ साउन । काठमाडौँबाट रसुवाको स्याफ्रुबेसी उडेको एयर डाइनेस्टीको हेलिकोप्टर दुर्घटनामा परेको छ ।
नुवाकोटको शिवपुरी गाउँपालिका वडा नम्बर १ स्थित गुर्जेमा बुधबार एयर डाइनेस्टीको हेलिकोप्टर दुर्घटनामा परेको हो ।
हेलिकप्टर दुर्घटनामा ५ जनाको मृत्यु भएको बताइएको छ । चालकसहित कुल ५ जना सवारमध्ये दुर्घटनामा दुई जना पुरूष, एक जना महिला, एक जना पाइलट र अर्का एक जनाको शव जलेको हुनाले पहिचान हुन सकेको छैन ।
त्रिभुवन अन्तर्राष्ट्रिय विमानस्थलका अनुसार सो हेलिकोप्टर क्याप्टेन अरुण मल्लले उडाइरहेका थिए ।