गायिका समीक्षा अधिकारीको स्वरमा ‘म मर्छु तिमी बिना’ सार्वजनिक
काठमाडौँ, १७ असार । अशोक बिकको शब्द, संगीत र भिडिओ निर्देशन रहेको ‘म मर्छु तिमी बिना’ सार्वजनिक गरिएको छ ।
गीतलाई एआर इन्टरटेनमेन्ट युट्युब च्यानलबाट सार्वजनिक गरिएको हो । यस गीतमा गायिका समीक्षा अधिकारीको स्वर रहेको छ ।
२१ स्टुडियोमा रेकर्ड गरिएको गीतलाई सुदीप सागरले एरेञ्ज गरेका हुन् भने किरण थापाले रेकर्डिङ र मनोज ढंगोलले मिक्सिङ गरेका हुन् ।
अशोक बिकको निर्देशन रहेको गीतमा नरेश वीर सिंहको कोरियोग्राफी, बासु नेपालीको छायांकन, पदम सुवेदीको सम्पादन रहेको छ । उक्त गीतको भिडिओमा एसराज गराज, रिचा थापा, सक्शी लम्साल आदिको अभिनय रहेको छ ।