निवर्तमान सभामुख सापकोटाले गरे मतदान
सिन्धुपाल्चोक, ४ मंसिर । निवर्तमान सभामुख अग्निप्रसाद सापकोटाले मतदान गरेका छन् । उनले सिन्धुपाल्चोकको सेतीदेवी पञ्चकन्या मावि कुविन्डे मतदान केन्द्रबाट मतदान गरेका हुन् ।
सापकोटा २०६४ देखि सिन्धुपाल्चोकबाट निर्वाचित हुँदै आएका जनप्रतिनिधि भए पनि यसपटकको निर्वाचनमा भने उम्मेदवार भएका छैनन् ।
पूर्वमन्त्रीसमेत रहेका सापकोटा २०७६ मा प्रतिनिधिसभाको सभामुख निर्वाचित भएका थिए ।