काठमाडौं । नेपालमा २४ घन्टाको अवधिमा १ हजार ८ सय १ जना कोरोना भाइरस संक्रमित थपिएका छन् भने २३ जनाको मृत्यु भएको छ ।
पछिल्लो २४ घन्टामा देशभर ६ हजार ६ सय २८ आरटी पिसिआर र ३ हजार एन्टिजेन गरी कुल ९ हजार ६ सय २८ जनामा परीक्षण गरिएकोमा १ हजार ८ सय १ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
संक्रमितहरुमध्ये मुलुकभरका विभिन्न अस्पतलाको आइसियूमा ५ सय ६१ जना र भेन्टिलेटरमा १ सय ६५ जना उपचाररत छन् ।
मन्त्रालयका अनुसार शनिबार देशभरबाट १ हजार ६ सय ६७ जना कोरोना संक्रमणमुक्त भएर फर्किएका छन् । योसँगै कोरोना जितेर फर्कनेको संख्या ६ लाख ३२ हजार ७४ पुगेको छ । निको हुने दर ९४.७ प्रतिशत छ ।
पछिल्लो २४ घन्टाको अवधिमा २३ जनाको संक्रमणबाट मृत्यु भएको भएको छ । योसँगै हालसम्म मृत्यु हुनेको संख्या ९ हजार ५ सय ५० पुगेको छ ।