सुनको मूल्य घट्यो, चाँदीको बढ्यो
काठमाडौँ, १३ साउन । स्थानीय बजारमा आज सुनको मूल्य केही घटेको छ भने चाँदीको भाउ बढेको छ । हिजो मङ्गलबारको तुलनामा सुन तोलामा एक हजार रूपैयाँले घटेको छ भने चाँदी १० रूपैयाँले बढेको छ ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला रु दुई लाख ८३ हजार दुई सय र त्यति नै परिमाणको सेतो धातुको मूल्य रु चार हजार ३२० कायम भएको छ ।
हिजो छापावाल सुन प्रतितोला दुई लाख ८४ हजार २०० रूपैयाँ र त्यति नै परिमाणको सेतो धातुको मूल्य चार हजार ३१० रूपैयाँ कायम भएको थियो ।
गत सोमबार छापावाल सुन प्रतितोला दुई लाख ८८ हजार ५०० रूपैयाँ र त्यति नै परिमाणको चाँदी चार हजार ४४५ रूपैयाँमा कारोबार भएको थियो ।
अन्तर्राष्ट्रिय सञ्चारमाध्यमहरूका अनुसार अन्तर्राष्ट्रिय बजारमा आज एक औँस सुन चार हजार २९ र चाँदी ५७ अमेरिकी डलरमा किनबेच भइरहेको छ ।