जनकपुरधाममा एक युवकको झुन्डिएको अवस्थामा शव फेला
जनकपुर, २८ फागुन । जनकपुरधाममा एकजना युवाको शव झुन्डिएको अवस्थामा फेला परेको छ ।
जनकपुरधाम उपमहानगरपालिका वडा नम्बर १९ पुलचोस्थित आँपको बगैचामा अन्दाजी २५ वर्षीय युवकको शव झुन्डिएको अवस्थामा फेला परेको जिल्ला प्रहरी कार्यालय धनुषाले जनाएको छ ।
बुधबार बिहान स्थानीयहरुले शव झन्डिएको अवस्थामा देखेपछि प्रहरीलाई खबर गरेका थिए ।
मृतकको पहिचान खुल्न नसकेको र अनुसन्धान भइरहेको जिल्ला प्रहरी धनुषाका प्रवक्ता नायब प्रहरी उपरीक्षक बरुण सिंहले जानकारी दिनुभयो । शवलाई पोष्टमार्टमका लागि प्रादेशिक अस्पताल पठाइएको छ ।