संसदीय छानबिन समितिले आज रवि लामिछानेसँग बयान लिने
काठमाडौँ, ७ भदौ । सहकारी बचतकर्ताको बचत रकम दुरुपयोगसम्बन्धी छानबिन गर्न गठित संसदीय छानबिन समितिले आज पूर्वगृहमन्त्री एवम् राष्ट्रिय स्वतन्त्र पार्टी (रास्वपा)का सभापति रवि लामिछानेसँग बयान लिने भएको छ ।
गोरखा मिडिया नेटवर्कका पूर्वप्रबन्ध निर्देशकसमेत रहनुभएका सभापति लामिछानेलाई समितिले दिउँसो २ बजे बयानका लागि बोलाएका संसदीय छानबिन समितिका सभापति सूर्य थापाले बताउनुभयो ।
लामिछानेलाई गोरखा मिडिया नेटवर्क प्रालिको प्रबन्ध निर्देशकको हैसियतमा सोधपुछका लागि बोलाइएको समिति सभापति सूर्य थापाले बताउनुभयो ।
लामिछानेसँगै सञ्चालक छविलाल बन्जाडे जोशीलाई पनि आज नै सोधपुछका लागि बोलाइएको छ । उहाँलाई बिहान ११ बजे बोलाइएको समितिले जनाएको छ ।