नेपालले १९ वर्षमुनिको विश्वकपको एसिया छनोट आयोजना गर्ने
काठमाडौँ, १ भदौ । सन् २०२६ मा हुने आइसिसी यू–१९ पुरुष विश्वकपको एसिया क्षेत्र छनोट प्रतियोगिता नेपालले आयोजना गर्ने भएको छ ।
शनिबार नेपाल क्रिकेट संघ (क्यान)ले सामाजिक सञ्चाजलमा एक पोस्ट राख्दै विश्वकपको एसिया छनोट २०२५ नेपालले आयोजना गर्ने जानकारी दियो ।
नेपालले पहिलोपटक विश्वकपको एसिया क्षेत्र छनोट आयोजना गर्न लागेको हो । एसिया छनोट प्रतियोगिता आगामी अप्रिल १३ देखि २१ सम्म हुने छ ।
एसिया छनोटमा आयोजक नेपालसँगै अफगानिस्तान, हङकङ, ओमान र संयुक्त अरब इमिरेट्स (युएई) सहभागी हुनेछन् ।
एसिया क्षेत्र छनोटमा विजयी टोली सन् २०२६ मा हुने आइसिसी यू–१९ विश्वकपका लागि छनोट हुने छ ।