चुनाव लक्षित सुझाव सुन्न सर्वसाधारणसँग प्रत्यक्ष कुरा गर्दै ओली
काठमाडौँ, २ कात्तिक । नेकपा (एमाले)का अध्यक्ष केपी शर्मा ओलीले कात्तिक ४ गते सर्वसाधारणसँग टेलिफोनमा कुरा गर्ने बताएका छन् ।
चुनावी तयारीमा रहेका ओलीले मंगलबार सामाजिक सञ्जालमार्फत् आग्रह गर्दै कात्तिक ४ पछि आफू जनतासँग प्रत्यक्ष टेलिफोन संवाद गर्ने बताएका छन् ।
४ कात्तिकमा देशभरिका जुनसुकै नागरिकले पनि ओलीलाई फोन गरेर प्रत्यक्ष सुझाव दिन सक्ने उनको सचिवालयले जनाएको छ ।
कुराकानी गर्न चाहने व्यक्तिले आफ्नो नम्बर र नाम ओलीको फेसबुक पेजको इनबक्समा पठाउनुपर्ने छ । सर्वसाधारण नागरिकले नम्बर पठाएपछि ओलीले आफैँ फोन गरेर कुराकानी गर्ने जानकारी फेसबुकमार्फत् दिएका छन् ।