अध्यक्ष ओलीले बोलाए एमालेको स्थायी कमिटी बैठक
काठमाडौं । नेकपा (एमाले)को स्थायी कमिटी बैठक आज दिउँसो बस्ने भएको छ । पार्टी अध्यक्ष एवम् प्रधानमन्त्री केपी शर्मा ओलीसँगको छलफलपछि महासचिव ईश्वर पोखरेलले बिहीबार दिउँसो २ बजेका लागि बैठक बोलाएका हुन् ।
प्रधानमन्त्री निवास बालुवाटारमा बस्ने बैठकमा माधव कुमार नेपाल पक्षसँग वार्ता गर्न गठित टोलीले रिपोर्टिङ गर्नेछ ।
त्यस्तै, राष्ट्रियसभा उपनिर्वाचनमा पार्टीका आधिकारिक उम्मेदवार तथा स्थायी कमिटी सदस्य राम बहादुर थापा‘बादल’लाई नेपाल पक्षले गरेको असहयोगको बारेमासमेत समीक्षा हुने बताइएको छ ।
बैठकका अन्य एजेन्डाबारे केही बताइएको छैन ।