चुडाल र सुवेदी सर्वोच्च अदालतको न्यायाधीश नियुक्त
काठमाडौं । राष्ट्रपति विद्यादेवी भण्डारीले डा. कुमार चुडाल (झापा) र नहकुल सुवेदी (म्याग्दी) लाई सर्वोच्च अदालतका न्यायाधीशमा नियुक्त गरेकी छन् ।
राष्ट्रपतिले नेपालको संविधानको धारा १२९ को २ बमोजिम न्याय परिषद्को सिफारिसमा आज उनीहरुलाई नियुक्त गरेको राष्ट्रपतिको कार्यालयका प्रवक्त रुपनारायण भट्टराईले जारी गरेको विज्ञप्तिमा जनाइएको छ ।
चुडाल हाल उच्च अदालत, पाटन र सुवेदी उच्च अदालत, सुर्खेतमा मुख्य न्यायाधीश छन् । उनीहरुको नामलाई संसदीय सुनुवाइ विशेष समितिले तग शुक्रबार अनुमोदन गरेको थियो ।
