छुट्टाछुट्टै सवारी दुर्घटनामा ३ जनाको मृत्यु
विराटनगर । मोरङ र झापाका छुट्टाछुट्टै स्थानमा भएको सवारी दुर्घटनामा ३ जनाको मृत्यु भएको छ । शनिबार राती सवा ९ बजे मोरङको सुन्दरहरैचा नगरपालिका-८ सलकपुरमा को२त ३१९६ नम्बरको ट्याक्टरले को ३८ प १६६५ नम्बरको स्कुटरलाई ठक्कर दिँदा घाइते भएका स्कुटर चालक सुन्दरहरैचा नगरपालिका-५ का ४२ वर्षीय मकेश्वर चौधरीको उपचारको क्रममा राति १० बजे मृत्यु भएको ईलाका प्रहरी कार्यालय बेलवारीले जनाएको छ ।
यसैगरी मोरङकै उर्लावारी नगरपालिका-८ मा मे ४ प ९२८५ नम्बरको मोटरसाइकल शनिबार रातिती ८ बजे अनियन्त्रित भइ दुर्घटना हुँदा घाइते भएका मोटरसाइकल पछाडी सवार रहेका तेह्रथुम म्याङलुङ-९ का ४५ वर्षीय श्याम तामाङको अरनिको अस्पतालमा उपचारको क्रममा राति सवा ८ बजे मृत्यु भएको छ भने मोटरसाइकल चालक स्थानीय ३० बर्षीय उपेन्द्र दनुवारकाे उपचार भइरहेकाे इलाका प्रहरी कार्यालय उर्लावारीले जनाएको छ ।
यस्तै झापाको अर्जुनधारा नगरपालिका-८ मा को १ क १५८७ नम्बरको जेसिबीले प्रदेश १-०१-०१२ प ७१५४ नम्बरको मोटरसाइकललाई ठक्कर दिँदा घाइते भएका मोटरसालक चालक अर्जुनधारा नगरपालिका-५ का ३२ वर्षीय दीपक कुमार बुढाथोकीको उपचारको क्रममा राति साँढे ७ बजे बिर्तामोडको बिएन्डसी अस्पतालमा मृत्यु भएको इलाका प्रहरी कार्यालय अनारमनीले जनाएको छ ।