कोरोनाबाट कोसी अस्पतालमा दमककी ६८ वर्षीया महिलाको मृत्यु
दमक । झापाको दमक नगरपालिका–७ की एक वृद्धा महिलाको कोरोना भाइरसको संक्रमणबाट मृत्यु भएको छ ।
विराटनगरको कोसी कोभिड–१९ उपचार केन्द्रमा उपचाररत ६८ वर्षीया महिलाको मृत्यु भएको हो । केही दिनअघि ज्वरोसँगै रुघाखोकी लागेपछि उनलाई पाँच दिनदेखि कोभिड उपचार केन्द्रमा भर्ना गरिएको थियो ।
उपचार केन्द्रको भेन्टिलेटरमा राखेर उपचार भइरहेको उनको शनिबार बिहान मृत्यु भएको नगरपालिकाको स्वास्थ्य शाखाका अधिकृत नगेन्द्र भट्टराईले बताए । यसअघि दमक–१ का एक ५८ वर्षीय संक्रमित पुरुषको पनि काठमाडौंमा उपचारका क्रममा मृत्यु भएको थियो ।
यससँगै जिल्लामा कोरोनाका कारण मृत्यु हुनेको सङ्ख्या नौ पुगेको छ ।