लाइसेन्सको अनलाइन आवेदन बन्द (सूचनासहित)
काठमाडौं । सवारी चालक अनुमतिपत्र (लाइसेन्स) को अनलाइन आवेदन अनिश्चितकालका लागि बन्द हुने भएको छ ।
मंगलबार यातायात व्यवस्था विभागले एक सूचना जारी गर्दै बिहीबारदेखि अनलाइन आवेदन बन्द हुने जानकारी दिएको हो ।
“विश्वभरि फैलिँदै गइरहेको नयाँ भेरियन्टको कोभिड–१९ महामारीका कारण वैशाख १६ गतेबाट अर्को सूचना प्रकाशन नभएसम्मका लागि सवारी चालक अनुमतिपत्रको अनलाइन आवेदन प्रणाली बन्द गरिने व्यहोरा जानकारीको लागि अनुरोध छ । यसबाट सेवाग्राहीलाई हुने असुविधाप्रति हामी क्षमाप्रार्थी छौँ,’ प्रवक्ता डा. लोकनाथ भुसालद्वारा जारी सूचनामा भनिएको छ ।
