कोरोना अपडेट : पछिल्लो २४ घन्टामा ८८ जना संक्रमित थपिँदा १३६ कोरोनामुक्त
काठमाडौं । नेपालमा केहि दिनयता कोरोना संक्रमितको संख्या एक सयभन्दा कम भेटिन थालेको छ । पछिल्लो २४ घन्टामा ८८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार देशभर २ हजार ४८ जनामा गरिएको पिसिआर परीक्षणको नतिजामा ८८ जनामा संक्रमण पुष्टि भएको हो ।
थपिएका ८८ जनासँगै देशभर कुल कोरोना संक्रमितको संख्या २ लाख ७३ हजार ३ सय ५१ पुगेको छ । यीमध्ये १ हजार ५ सय ३५ जना सक्रिय संक्रमित अवस्थामा रहेका छन् ।
देशभर थप १ सय ३६ जनाले कोरोना जितेर फर्किएका छन् । पछिल्लो २४ घन्टामा संक्रमणमुक्त भएका १ सय ३६ जनासँगै देशभर कोरोना जित्नेको संख्या २ लाख ६९ हजार ७ सय ५५ जना पुगेको छ । निको हुने दर ९८.७ प्रतिशत रहेको छ ।
मन्त्रालयकाअनुसार देशभरबाट अहिलेसम्म कोरोनाबाट ज्यान गुमाउनेको संख्या २ हजार ६१ जनाको मृत्यु भएको छ ।