जापानको टोकियोमा पहिलो पटक एकैदिन छ सय संक्रमित
टोकियो । जापानको राजधानी टोकियोमा बिहीबार पहिलो पटक एकैदिन कोरोना भाइरसबाट छ सयभन्दा बढी संक्रमित भएका छन् ।
दैनिक संक्रमितको सङ्ख्यामा अत्यधिक वृद्धि भएपछि उच्च सतर्कता अपनाउन स्वास्थ्यकर्मीहरुले सबैलाई आग्रह गरेका छन् ।
टोकियोमा मात्रै ६ सय २ जना संक्रमित भएको दिन देशभरि भने दुई हजार ८ सय १० जना संक्रमित भएका छन् ।
जापानमा कोरोना भाइरसको संक्रमण सुरु भएदेखि अहिलेसम्म कूल एक लाख ६८ हजार ५ सय ७३ जना कोरोना भाइरसबाट संक्रमित भएका छन् भने दुई हजार ४ सय ६५ जनाको मृत्यु भएको छ ।
“अवस्था अझै सामान्य भएको छैन, बरु थप गम्भीर भएको छ, यसलाई हेलचक्रयाइँ नगरौँ ।” टोकियोका गभर्नर यूरीको कोइकेले भने । उनले अत्यावश्यक काम बाहेक घर बाहिर ननिस्कन पनि सबैलाई आग्रह गरेका छन् ।