पल शाहविरूद्धको मुद्दा दोहोर्याएर सुनुवाइ गर्न अनुमति
काठमाडौँ, १ पुस । सर्वोच्च अदालतले पूर्णविक्रम शाह (पल शाह)विरूद्धको नाबालिग बलात्कारको मुद्दा दोहोर्याएर सुनुवाइ गर्न अनुमति दिएको छ ।
न्यायाधीशद्वय सुष्मालता माथेमा र हरिप्रसाद फुयालको यही मङ्सिर २२ गतेको इजलासले शाहविरूद्धको मुद्दालाई दोहोर्याएर हेर्ने अनुमति प्रदान गरेको हो ।
बलात्कारको मुद्दामा शाहलाई सफाइ दिने उच्च अदालत पोखराको फैसलाविरूद्ध महान्यायाधिवक्ताको कार्यालयले सर्वोच्च अदालतमा दोहोर्याएर हेर्न पाउँ भन्दै निवेदन दिएको थियो ।
पल शाहलाई सफाइ दिने गरी उच्च अदालत पोखराले २०७९ फागुन ४ मा सुनाएको फैसलामा प्रमाणहरूको समूचित मूल्यांकन नगरिएको सर्वोच्चको ठहर छ ।