एलिजाबेथको अन्त्येष्टिमा सहभागी भएकी डेनमार्ककी रानीलाई कोरोना संक्रमण
काठमाडौँ, ६ असोज । डेनमार्ककी रानीलाई यस वर्ष दोस्रो पटक कोभिड–१९ को संक्रमण पुष्टि भएको डेनमार्कको शाही अदालतले पुष्टि गरेको छ । मंगलबार कोभिड पुष्टि भएपछि रानी मार्गरेट द्वितीयले सम्पूर्ण भेटघाटका कार्य रद्द गरेकी छन् ।
मार्ग्रेटले कोभिडविरुद्धको खोप लगाएकी थिइन् । यो वर्षको फेब्रुअरीमा पनि उनलाई कोभिड देखा परेको थियो ।
८२ वर्षीया रानी सोमबार महारानी एलिजाबेथ द्वितीयको राजकीय अन्त्येष्टिमा सहभागी २ हजार पाहुनामध्ये एक थिइन् । उनी बेलायती महारानीको मृत्युपछि युरोपको सबैभन्दा लामो समयसम्म सेवा गर्ने राष्ट्र प्रमुख हुन् ।
उनी र महारानी एलिजाबेथ दुवै रानी भिक्टोरियाका वंशज हुन् ।