युक्रेनी राष्ट्रपति जेलेन्स्की सवार गाडी दुर्घटना
काठमाडौँ, ३० भदौ । युक्रेनका राष्ट्रपति भोलोदिमिर जेलेन्स्की सवार कार दुर्घटनामा परेको छ । बुधबार राष्ट्रपति जेलेन्स्की सवार गाडीलाई अर्को कारले ठक्कर दिएको बीबीसीले जनाएको छ ।
राजधानी किएभमा भएको दुर्घटनमा राष्ट्रपतिलाई कुनै चोट भने लागेको छैन ।
‘राष्ट्रपतिको स्वास्थ्य परीक्षण गर्दा चोट पटक देखिएको छैन,’ राष्ट्रपति कार्यालयका प्रवक्ता सर्गेइ निकोफोरभले भनेका छन् ।
राष्ट्रपति सवार गाडीलाई ठक्कर दिएका कार चालक भने घाइते भएका छन् । उनी अस्पतालमा उपचाररत छन् ।
दुर्घटनाबारे प्रहरीले अनुसन्धान गरिरहेको छ ।