काठमाडौँका मेयर बालेन साहविरूद्ध नाराबाजी
काठमाडौँ, ८ भदौ । काठमाडौँ महानगरपालिकाका मेयर बालेन्द्र (बालेन) साहविरुद्ध नाराबाजी भएको छ ।
फुटपाथमा बसेर व्यवसाय गर्दै आएका व्यापारीहरूले काठमाडौँ महानगरपालिका मेयर साहविरुद्ध नाराबाजी गरेका हुन ।
फुटपाथ व्यवस्थापनको नाममा महानगरले साना व्यापारीको रोजीरोटी खोसेको भन्दै ज्ञापनपत्र बुझाउन गएका व्यापारीहरुले काठमाडौँ महानगरपालिका परिसरमा नाराबाजी गरेका हुन् ।
सडक स्वरोजगार श्रमिकलाई मापदण्ड बनाई व्यवस्थापन गर्नुपर्ने, सडक किनारमा स्वरोजगार गरिरहेका श्रमिकको अभिलेखीकरण गरी परिचयपत्र दिनुपर्ने र महानगरबाट भइरहेको अमानवीय व्यवहार बन्द गर्नुपर्ने तीनवटा माग राखेका छन् ।
महानगरका मेयर शाहविरुद्ध सम्भवतः पहिलोपटक नाराबाजी भएको हो ।