प्युठानमा गाडी दुर्घटना हुँदा १० जना घाइते
प्युठान, ६ भदौ । प्युठानको सरुमारानी गाउँपालिका–४ मा आज गाडी (विंगर) दुर्घटना हुँदा चालकसहित १० जना घाइते भएका छन् ।
दाङको भालुवाङबाट प्युठानको बाग्दुलातर्फ जाँदै गरेको लु २ ख ३५६९ नम्बरको विंगर आज बिहान ११ बजे अनियन्त्रित भई सडकबाट २० मिटर तल खसेको थियो ।
घाइतेमध्ये प्युठानको ऐरावती गाउँपालिका–२ बस्ने ज्ञानहरि भुषालका चार वर्षीय छोरा प्रमिसको अवस्था गम्भीर रहेको छ ।
घाइते ६ जनालाई उपचारका लागि बुटवल पठाइएको छ । तीन जनाको स्थानीय साझा पोलिक्लिनिक र एक जनाको जिल्ला अस्पताल प्युठानमा उपचार भइरहेको छ ।