प्युठानमा जिप दुर्घटना हुँदा ९ जना घाइते

प्युठान, २९ साउन । प्युठानमा जिप दुर्घटनामा हुँदा नौ जना घाइते भएका छन् । आइतबार साँझ ५ बजे बागदुलाबाट डामृतर्फ जाँदै गरेको लु १ ज १५४५ नम्बरको जिप प्युठानको नौबहिनी गाउँपालिका–६ बहाने बजार नजिकै दुर्घटना हुँदा नौ जना घाइते भएका हुन् ।

जिल्ला प्रहरी कार्यालय प्युठानका अनुसार घाइतेमध्ये दुई जनाको अवस्था गम्भीर रहेको छ । गाडी सडकबाट करिब ३० मिटर तल खसेको प्रहरीले जनाएको छ । जिपमा ११ जना सवार थिए ।

घाइतेलाई उपचारका लागि जिल्ला अस्पताल लगिएको छ । दुर्घटनाको कारण भने खुलेको छैन ।