बसको ठक्करबाट बालाजुमा दुई पैदल यात्रुको मृत्यु
काठमाडौँ । काठमाडौँको बालाजुमा बसको ठक्करबाट दुई जना पैदल यात्रुको मृत्यु भएको छ ।
बिहीबार बिहान करिब ६ बजे बसले दुई जनालाई किचेर फरार भएको बताइएको छ । मृत्यु हुनेमा रसुवाका विकास तामाङ र नाम नखुलेकी एक महिला छन् ।
बालाजुस्थित गंगा हल अगाडि बाटो काट्ने क्रममा बसले उनीहरुलाई ठक्कर दिएको थियो । ठक्कर दिने बसको नम्बर भने खुल्न सकेको छैन । केही शंकास्पद बसलाई नियन्त्रणमा लिएर प्रहरीले अनुसन्धान सुरु गरेको छ ।