सोलुखुम्बुको फेरामा सकेट बम भेटियो
सोलुखुम्बु । सोलुखुम्बुको सोलुदुधकुण्ड नगरपालिका–२ बेनीस्थित फेरामा सकेट बम फेला परेको छ ।
स्थानीयले बारीमा काम गर्ने क्रममा बम फेला पारेपछि प्रशासनलाई खबर गरेका थिए । बम फेला पारिएको क्षेत्रमा स्थानीयलाई सुरक्षित स्थानमा सारिएको प्रशासनले जनाएको छ ।
बम डिस्पोजनका लागि ओखलढुंगाबाट डिस्पोजल टोली आइपुगेको खोलुखुम्बुका प्रमुख जिल्ला अधिकारी गणेश विक्रम शाहीले जानकारी दिए ।
निकै पुरानो जस्तो देखिने उक्त बम द्वन्द्वकालीन समयमा लुकाइएको हुनसक्ने प्रहरीको अनुमान छ ।