एकीकृत समाजवादीले भोलि मन्त्रीको टुंगो लगाउने
काठमाडौँ । नेकपा (एकीकृत समाजवादी)ले भोलि सरकारमा सहभागी हुने मन्त्री नामको टुंगो लगाउने भएको छ ।
आज बसेको स्थायी कमिटी बैठकले सरकारमा सहभागी हुने मन्त्रीको टुंगो भोलि बस्ने केन्द्रीय सचिवालय बैठकले टुंगो लगाउने निष्कर्ष निकालेको पार्टी प्रचार विभाग प्रमुख जगन्नाथ खतिवडाले जानकारी दिए ।
पार्टीले आज महासचिव बेदुराम भुसालको संयोजकत्वमा ११ सदस्यीय केन्द्रीय सचिवालय गठन गरेको छ । ‘सरकारमा चार वटा मन्त्रालयका मन्त्री भोलि बस्ने केन्द्रीय सचिवाय बैठकले निर्णय गर्ने छ,’ उनले भने ।
उनका अनुसार पार्टीले सहरी विकास मन्त्रालय, स्वास्थ्य तथा जनसंख्या मन्त्रालय, संस्कृति, पर्यटन तथा नागरिक उड्डयन र श्रम मन्त्रालयका कुराकानी भइरहेको छ ।
उनले भोलि वा पर्सीसम्म मन्त्रिपरिषद् विस्तार हुने जानकारी दिए । उनले दलहरुबीच मन्त्रालय बाँडफाँडमा चार मन्त्रालयमा चित्त बुझाउनु परेको उनको भनाइ छ ।