सीता एयरको जहाज दुर्घटनाबाट जोगियो
सिमकोट । हुम्लाको सिमकोट विमानस्थलमा अहिले बेलुका सीत एयरको डोनियर जहाज दुर्घटना हुनबाट बचेको छ ।
सुर्खेतबाट कार्गोको सामान ढुवानी गरिरहेको जहाज विमानस्थलको रनवेमा अवतरण गर्ने क्रममा टायर पन्चर्ड भएको हो ।
नागरिक उड्डयन प्राधिकरण सिमकोट शाखाका प्रबन्धक मोहन गिरिका अनुसार रनवेमा ल्यान्ड गरी पार्किङस्थलमा ल्याउने क्रममा टायर पन्चर्ड भएको बताए । जहाजको पछाडिको टायर पन्चर्ड भएपछि हजाज घिस्रेको थियो ।
विमानमा सवार चालक दलका सदस्य सकुसल रहेका छन् । चालक दलका सदस्यमात्र रहेको सीता एयरको ९एनएएचडी डोनियर विमान रहेको छ ।
विमानको टायर पन्चर्ड भए पनि अन्य केही क्षति नभएको विमानस्थलले जनाएको छ ।