हेडिङ्गले । पाकिस्ताविरुद्धको दोस्रो टी–२० क्रिकेटमा इंग्ल्यान्ड ४५ रनले विजयी भएको छ । गएराति भएको खेलमा पाकिस्तानलाई ४५ रनले पराजित गर्दै इंग्ल्यान्डले तीन खेलको सिरिजमा १–१ को बराबरी गरेको छ ।
२ सय १ रनको विजयी लक्ष्य पाएको पाकिस्तानले निर्धारित २० ओभरमा १ सय ५५ रन मात्र बनाउन सक्यो ।
पाकिस्तानका मोहम्मद रिजवानले ३७, शादाव खानले ३६, बाबर आजमले २२ तथा इमाद वासिमले २० रन जोडे पनि त्यो जितका लागि पर्याप्त भएन ।
इंग्ल्यान्डका साकिब महमूदले ३, मोइन अली र आदिल राशिदले समान २–२ विकेट लिए ।
हेडिङ्गलेमा टस हारेर पहिले ब्याटिङको निम्तो पाएको घरेलु टोली इंग्ल्यान्डले एक बल बाँकी रहँदा सबै विकेट गुमाउँदै २ सय रन बनाएको थियो ।
इंग्ल्यान्डका जोस बट्लरले ५९, लियाम लिभिङ्स्टोनले ३८, मोइन अलीले ३६ रनको योगदान दिए ।
पाकिस्तानका मोहम्मद हस्नैनले ३, इमाद वासिम र हरिस रौफले समान २–२ विकेट लिए ।
जितसँगै इंग्ल्यान्डले तीन खेलको श्रृङ्खलामा १–१ को बराबरी गरेको छ । यसअघि भएको पहिलो खेलमा पाकिस्तान ३१ रनले विजयी भएको थियो ।
दुई टोलीबीचको निर्णायक टी–२० मंगलबार म्यानचेस्टरमा हुने छ ।