प्रक्रियाविपरीत वितरण गरिएका क्रियाशील सदस्यता खारेज हुनुपर्छ : केसी
काठमाडौं । नेपाली कांग्रेसका नेता अर्जुननरसिंह केसीले प्रक्रियाविपरीत वितरण गरिएका क्रियाशील सदस्यता खारेज हुनुपर्ने बताएका छन् ।
मापदण्डविपरीत क्रियाशील सदस्यता वितरण गरिएको आरोप लगाउँदै कांग्रेस केन्द्रीय कार्यालयमा ४ दिनदेखि धर्नामा बसेका नेता तथा कार्यकर्तालाई बुधबार भेटेर उनले पार्टीले तय गरेको प्रक्रियाविपरीत वितरण गरिएका क्रियाशील सदस्यता खारेज हुनुपर्नेमा जोड दिए ।
पार्टीका पूर्वसांसद् रामआयोध्या यादवको नेतृत्वमा ६ बुँदे माग राखेर ४ दिनदेखि बाराका नेता तथा कार्यकर्ता धर्नामा बसेका छन् ।