‘जोन्सन एन्ड जोन्सन’ खोप सोमबार नेपाल आइपुग्ने
काठमाडौं । अमेरिकाले नेपाललाई अनुदानमा उपलब्ध गराउन लागेको जोन्सन एन्ड जोन्सनको १५ लाख डोज खोप सोमबार नेपाल आइपुग्ने भएको छ ।
प्रधानमन्त्रीका परराष्ट्र मामिला सल्लाहकार राजन भट्टराईले ‘कोभ्याक्स’मार्फत अमेरिकाले नेपाललाई अनुदानमा उपलब्ध गराउन लागेको खोप सोमबार बिहान काठमाडौं आइपुग्ने जानकारी दिएका हुन् ।
गत महिना अमेरिकी राष्ट्रपति जो बाइडेनले नेपालसहितका मुलुकलाई पहिलो चरणमा ८० मिलियन खोप कोभ्याक्समार्फत उपलब्ध गराउने घोषणा गरेका थिए ।
अहिले नेपालमा भारत र चीनबाट ल्याइएका खोप दुई डोज लगाउनु पर्ने खालका छन् । तर, जोन्सन एन्ड जोन्सनको खोप एक डोज‘मात्रा’ लगाए पुग्ने विज्ञहरुले बताएका छन् ।
अमेरिकन सरकारले COVAX मार्फ़त अनुदानमा नेपाललाई दिन लागेको 15 लाख J & J Vaccine आगामी सोमबार बिहान काठमाण्डू आइपुग्ने भएको छ । US सरकार तथा पहलकर्ता सबैलाई धन्यबाद ।
— Rajan Bhattarai (@Rajanktm) July 10, 2021