एमाले कार्यदलको बैठक ७ बजेसम्मका लागि स्थगित, दुवै पक्ष आन्तरिक छलफलमा

काठमाडौं । नेकपा (एमाले)को विवाद समाधान गर्न गठित कार्यदलको बैठक साँझ ७ बजेसम्मका लागि स्थगित गरिएको छ ।

बिहीबार केहीबेर बसेर बैठक साँझ ७ बजेसम्मका लागि स्थगित गरिएको हो ।

बैठक आन्तरिक तयारीका लागि स्थगित गरिएको नेताहरुले बताएका छन् । अहिले दुवै पक्ष छुट्टाछुट्टै छलफलमा जुटेका छन् ।

छलफलबाट निस्केर संस्थापन पक्षका कार्यदल संयोजक सुवासचन्द्र नेम्वाङले वार्ता सकरात्मक रहेको जानकारी दिए । “आजै निष्कर्षमा पुग्ने प्रयास हुन्छ । बाहिरी चर्चाको पछाडि नलागौँ, वार्ता सकरात्मक छ,” उनले भने ।

कार्यदलमा दुवै पक्षका पाँच÷पाँच जना सदस्य छन् । ओली पक्षका सुवासचन्द्र नेम्वाङ, विष्णुप्रसाद पौडेल, प्रदीप ज्ञवाली, शंकर पोखरेल र विष्णु रिमाल रहेका छन् भने नेपाल पक्षबाट डा.भीम रावलको संयोजकत्वमा, घनश्याम भुसाल, गोकर्ण विष्ट, सुरेन्द्र पाण्डे र रघुजी पन्त छन् ।