माछा मार्न गएका जापान राईको लडेर मृत्यु
खाँदबारी, १२ भदौ । स्थानीय कासुवाखोलामा माछा मार्न गएका मकालु गाउँपालिका–३ उलिङका ४५ वर्षीय जापान राईको लडेर मृत्यु भएको छ । जिल्ला प्रहरी कार्यालयका प्रहरी निरीक्षक रामकुमार लामिछानेका अनुसार ढुङ्गामा चिप्लिएर उहाँको मृत्यु भएको हो ।
बुधबार अपराह्न भएको यो दुर्घटनाको खबर प्राप्त हुनासाथ हेदाङ्नागढीस्थित इलाका प्रहरी कार्यालयको टोली घटनास्थल पुगेको जानकारी दिँदै उहाँले शव परीक्षणका निम्ति आज जिल्ला अस्पताल पुर्याइने बताउनुभयो । उनीसँगै माछा मार्न जानुभएका भानसिंह राईसँग प्रहरीले सोधपुछ एवम् अनुसन्धान गरेको छ ।