चलचित्र विकास बोर्डका अध्यक्ष दिनेश डिसीद्वारा पदभार ग्रहण
काठमाडौँ, १७ भदौ । चलचित्र विकास बोर्डका नवनियुक्त अध्यक्ष दिनेश डिसीले पदभार ग्रहण गर्नुभएको छ ।
सोमबार बिहान बोर्डको कार्यालय पुगेर डिसीले पदभार ग्रहण गर्नुभएको हो । उहाँ बोर्डको कार्यालय पुग्दा कर्मचारीहरुले फूल–मालाले स्वागत गरेका थिए ।
गत बिहीबार बसेको मन्त्रिपरिषद् बैठकले डिसीलाई चलचित्र विकास बोर्डको अध्यक्षमा नियुक्त गरेको थियो ।