काभा महिला भलिबलमा नेपाल विजयी
काठमाडौँ, २१ साउन । काभा वुमन्स नेसन्स लिग भलिबलमा नेपालले मल्दिभ्सलाई पराजित गरेको छ ।
सोमबार त्रिपुरेश्वरस्थित राष्ट्रिय खेलकुद परिषद्को कभर्ड हलमा भएको लिग चरणको अन्तिम खेलमा नेपालले मल्दिभ्सलाई ३–० ले पराजित गरेको हो ।
नेपालले पहिलो सेटमा २५–८ को सहज जित हासिल गरेको थियो । दोस्रो सेटमा भने माल्दिभ्सले नेपालसामु चुनौती पेस गरेपनि उक्त सेट २५–१९ आफ्नो पक्षमा पार्न नेपाल सफल भएको हो । त्यस्तै, तेस्रो सेटमा पनि नेपाल २५-१५ को सेटमा विजयी भयो ।
योसँगै नेपालले लिग चरणमा तेस्रो भएको इरानसँग फाइनल प्रवेशका लागि प्रतिस्पर्धा गर्नेछ ।