काठमाडौँ, ८ कात्तिक । गत असोज २७ गते दुर्घटनामा परेका मनाङ एयरका पाइलट प्रकाश कुमार सेढाईंको मृत्यु भएको छ ।
उनले चलाएको हेलिकोप्टर गत शनिबार सोलुखुम्बुमा दुर्घटना भएको थियो । दुर्घटनामा परी गम्भीर घाइते भएका पाइलट सेढाईंलाई काठमाडौँको ह्याम्स अस्पतालमा ल्याइएकामा त्यहाँ उपचार हुन नसकेपछि मुम्बई लगिएको थियो ।
नेसनल बर्न सेन्टर, मुम्बईमा उपचाररत उनको मंगलबार निधन भएको मनाङ एयरले विज्ञप्तिमार्फत् बताएको छ । दुर्घटनामा उनको शरीरको ५० प्रतिशतभन्दा बढी भाग जलेको थियो ।
हाइ अल्टिच्युडमा रहेका यात्रु ल्याउन गएको मनाङ एयरको हेलिकोप्टर शनिबार बिहान ७ बजेर १३ मिनेटमा दुर्घटनाग्रस्त भएको थियो ।